385. deildarráðsfundur raunvísindadeildar

385. deildarráðsfundur raunvísindadeildar var haldinn föstudaginn 18. janúar 2008, kl 12:30-15:00, fundarherbergi VR-257 í VR-II.

Mættir voru: Lárus Thorlacius, Hermann Þórisson, Hafliði P. Gíslason, Ágúst Kvaran, Ólafur S. Andrésson, Ólafur Ingólfsson, Anna Dóra Sæþórsdóttir og Inga Þórsdóttir. Fulltrúi nemenda var Rakel Sæmundsdóttir (Raunveru). Fundarritari var Jón Guðmar Jónsson.

Sigurður S. Snorrason í fjármálanefnd deildar mætti einnig á fundinn.

Mál á dagskrá:

1. Fundargerð síðasta fundar.

Samþykkt án athugasemda.

2. Fjárhagsáætlun deildar fyrir árið 2008.

Dreift var niðurstöðum fjárhagsáætlunar einstakra skora og raunvísindadeildar í heild.

Deildarforseti gerði grein fyrir fjárhagsáætlun deildar fyrir árið 2008 og hvernig fjárveiting myndi skiptast milli skora miðað við þrjár aðalforsendur:

1.Gamla deililíkanið.

2.Gamla deililíkanið að teknu tilliti til rannsóknarstiga.

3.Nýja deililíkanið.

Nýtt deililíkan Háskólans var samþykkt í háskólaráði nú fyrir jólin.

Við úthlutun fjárveitinga til deilda Háskólans var borið saman hvað deildir Háskólans fengju í fjárveitingu miðað við; a) gamla kassalíkanið, b) fjárveitingu ársins 2007 að viðbættum 5% og a) nýja deililíkanið að viðbættri sérfjárveitingu vegna fámennra/þjóðlegra greina. Deildir fengju fjárveitingu í samræmi við það hvað gæfi hæsta fjárhæð.

Raunvísindadeild kom best út miðað við „a) gamla kassalíkanið“.

Deildarráð samþykkti að miða skiptingu fjárveitingar innan deildar miðað við tl. 2 hér að ofan „Gamla deililíkanið að teknu tilliti til rannsóknarstiga“. Auk þess var samþykkt að taka sérstaklega tillit til þess að stór hluti námskeiða land- og ferðamálafræðiskorar ætti að vera í reikniflokki 5 í stað reiknflokks 2 sem þau eru í.

Fjárhagsáætlun deildar hefur verið skilað til fjármálanefndar háskólaráðs. Fjárveitingar eru 769,5 Mkr og sértekjur 57,5 Mkr. Fjárveiting + sértekjur eru því 827 Mkr en heildarútgjöld eru áætluð 826 Mkr eða afgangur upp á 1 Mkr.

Deildarforseti fór yfir reiknireglur/formúlur í hinu nýja deililíkani.

Fundarmenn óskuðu eftir því að fá nýja deililíkanið sent í rafrænu formi.

3. Fræðasvið verkfræði og raunvísinda-Staða mála.

Á næstunni eiga að koma tillögur að nýju skipulagi-Innra skipulagi fræðasviðsins.

Deildarforseti lagði áherslu á að fjárveitingum til hins nýja fræðasviðs vegna kennslu yrði ráðstafað beint til fræðasviðsins en ekki beint til deilda hins nýja fræðasviðs, þannig að vald og fjárhagsleg ábyrgð færi saman.

Ólafur S. Andrésson, sem ásamt deildarforseta er af hálfu raunvísindadeildar í samráðshópi rektors um skipulag hins nýja fræðasviðs, sagði að meginforsendur hins nýja skipulags þyrftu að liggja fyrir áður en auglýst yrði eftir forseta hins nýja fræðasviðs, þannig að vald hans og ábyrgð í hinu nýja skipulagi lægi fyrir þegar auglýst yrði í starfið.

Inga Þórsdóttir, formaður matvæla- og næringarfræðiskorar, skýrði frá því að matvæla- & næringarfræðiskor yrði deild á heilbrigðisvísindasviði í hinu nýja skipulagi.

Ágúst Kvaran, formaður efnafræðiskorar, skýrði frá því að lífefnafræðingar hefðu áhuga á að vera í hinni nýju raunvísindadeild en hugmyndir hafa verið um að þeir yrðu í hinni nýju líf- og umhverfisvísindadeild.

4. Önnur mál.

4.1 Úthlutun úr rannóknarsjóði vísinda- og tæknisviðs Rannsóknaráðs Íslands.

Deildarforseti og Sigurður S. Snorrason í fjármálanefnd deildar skýrðu frá nýfengnum upplýsingum um styrki úr rannóknarsjóði vísinda- og tæknisviðs Rannsóknaráðs Íslands en raunvísindadeild kemur vel út úr þeirri úthlutun sem mun hafa mjög jákvæð áhrif á framtíðarúthlutun fjárveitinga Háskólans til núverandi raunvísindadeildar innan hins nýja fræðasviðs en styrkir hafa mikil áhrif á rannsóknarhluta fjárveitingar til hins nýja fræðasviðs.

4.2 Rannsóknarmisseri.

Efnafræðiskor.

Oddur Ingólfsson sem er í rannsóknarmisseri á vori 2008 hefur óskað eftir því að fá hluta af rannsóknarmisseri sínu frestað til vors 2009, þannig að hann taki 4,5 mán vor 2008 og 1,5 mán 2009.

Samþykkt einróma.

4.3 Nemendamál.

Hafliði P. Gíslason, formaður eðlisfræðiskorar, leggur til í samræmi við samþykkt skorar að heimila nemanda véla- og iðnaðarverkfræðiskorar að fara í próf í Eðlisfræði 1V í fjórða sinn.

Samþykkt einróma hvað raunvísindadeild varðar.

4.4 Skráningar í námskeið.

Fram kom upplýsingar um það hvernig ætti að bregðast við því, hvað varðar skipulagi í verklega tíma, þegar miklu færri mættu í verklegt en væru skráðir.

Ágúst Kvaran skýrði frá því að í efnafræðiskor væri krafist staðfestingar nemenda 3-4 vikum áður en kennsla hæfist í verklegum námskeiðum. Ef nemandi staðfesti ekki innan tilskilins frests, þá væri ekki gert ráð fyrir honum í námskeiðinu. Tók hann sem dæmi að 90 manns hefðu verið skráðir í verklegt námskeið en einungis 40-50 hefðu staðfest.

Fleira ekki tekið fyrir á fundi.

Fundi slitið kl 15:00

Jón Guðmar Jónsson fundarritari.