377. deildarráðsfundur raunvísindadeildar

377. deildarráðsfundur raunvísindadeildar var haldinn föstudaginn 28.september 2007, í VR-II, fundarherbergi VR-257 og hófst kl 12.30.

Mættir voru: Lárus Thorlacius, Rögnvaldur G. Möller, Hafliði P. Gíslason, Ágúst Kvaran, Ólafur S. Andrésson, Áslaug Geirsdóttir, Magnfríður Júlíusdóttir og Inga Þórsdóttir. Fulltrúar nemenda voru Rakel Sæmundsdóttir (Raunveru) og Hlynur Grétarsson (Stigli). Fundarritari var Jón Guðmar Jónsson.

Guðrún Marteinsdóttir hafði boðað forföll vegna annarra starfa og var fjarverandi.

Mál á dagskrá:

1. Fundargerð síðasta fundar.

Samþykkt án athugasemda

2. Ráðning Arnars Pálssonar í starf dósents.

Deildarráð staðfesti fyrri samþykkt ráðsins um að leggja til við rektor að Arnar Pálsson verði ráðinn í starf dósents við líffræðiskor til 3ja ára frá og með 1. maí 2007. Áður var búið að ráða Arnar í starf aðjúnkts frá sama tíma. Gert var ráð fyrir því að ráðning í kennarastarf í samræmi við niðurstöðu dómnefndarálitsins myndi gilda frá upphafstíma ráðningar í starf aðjúnkts. Samkvæmt fyrirliggjandi dómnefndaráliti er Arnar dósentshæfur.

3. Verkefna- og fjárhagsáætlun raunvísindadeildar fyrir árið 2008-

Fyrsta umræða.

Forsendur fjárhagsáætlunar raunvísindadeildar fyrir árið 2008 eru:

• Fjárveiting ársins 2007, 726 Mkr hækkar um 4% í 755 Mkr til ársins 2008.
• Launagrunnur hækkar um 2% frá 1. janúar 2007 til 1. janúar 2008.
• Ófyrirséð er hækkað úr 4% í 5% þar sem kjarasamningar eru lausir á næsta ári.

Í tengslum við væntanlega sameiningu fræðasviða skýrði deildarforseti frá því að á „sviði verkfræði- og raunvísinda“ mætti að minnsta kosti gera ráð fyrir því að ráða mætti í 5-7 störf í stoðþjónustu, það er í skrifstofustörf, aðstoð við verklega kennslu og aðra stoðþjónustu í skorum („deildum“).

Deildarforseti beindi því til skorarformanna að þeir könnuðu og gerðu grein fyrir þörf fyrir stoðþjónustu í þeirra skorum.

Hvað fjárhagsáætlun deildar varðaði sagði deildarforseti það eitt af markmiðunum að reyna að skila fjárhagsáætlun á núlli.

Skipuleggja þarf kennslu í námskeiðum á framhaldsstigi.

Ekki er til deililíkan fyrir framhaldssnámið. Deildin og skorirnar þurfa að gera sér grein fyrir þeim fjármunum sem framhaldsnámið krefst og hvaða fjármuni eigi að nota til þess að byggja það upp. Í þessu sambandi benti deildarforseti á að lokagreiðslur vegna brautskráðra meistara- og doktorsnema hefðu hækkað verulega frá því sem áður hefði verið.

4. Framkvæmd stefnu raunvísindadeildar 2006-2111.

Deildarforseti fór yfir helstu stefnuatriði deildar 2006-2111 og hvar þau væru á vegi stödd framkvæmdalega. Því var beint til skorarformanna að þeir skoðuðu stöðu mála í sínum skorum í tengslum við stefnu deildar.

5. Önnur mál.

5.1 Erindi frá deildarráði til fjármálanefndar deildar.

5.1.1 Ósk líffræðiskorar um að það kerfi sem notað hefur verið frá árinu 1995 til þess að greiða fyrir vinnu við kennslu námskeiða verði aflagt.

Fjármálanefnd deildar leggur til að það kerfi sem notað hefur verið til flokkunar námskeiða til heildarvinnustunda í námskeiðum verði notað áfram. Jafnframt leggur nefndin til að kennslufyrirkomulag námskeiða verði skoðað í tengslum við endurskoðum og þá væntanlega breytingar á núverandi stokkakerfi.

5.1.2 Ósk frá líffræðiskor um að auglýsa kennarastarf í vistfræði.

Fjármálanefnd deildar leggur til að gert verði ráð fyrir kennarastarfi í vistfræði í fjárhagsáætlun líffræðiskorar.

Umræður í deildarráði tóku mið af því að stefnt yrði að því að fá starfið auglýst þegar líffræðiskor hefði fengið viðbótar C-kassa þreyttra eininga sem vilyrði er fyrir hjá fjármálanefnd háskólaráðs að fáist.

5.2 Stokkakerfið og breytingar á því samkvæmt tillögu frá líffræðiskor.

Líffræðiskor telur núverandi stokkakerfi vera breytingu mjög til hins verra. Með því hafi skapast margvíslegt óhagræði en lítið unnist. Skorin mælist til þess að stokkakerfi með 35 mínútna kennslustundum verði tekið upp að nýju.

Deildarforseti skýrði frá því að hann hefði skipað þá Ólaf S. Andrésson og Björn Gunnlaugsson í nefnd með fulltrúum verkfræðideildar, þeim Sven Þ. Sigurðssyni og Pálma Jóhannessyni til þess að enduskoða stokkakerfið og gera tillögur að breytingum á því.

Kristján Jónasson dósent í tölvunarfræði er aðalhönnuður núverandi stokkakerfis.

5.3 Stoðþjónusta jarðvísindaskorar og land- og ferðamálafræðiskorar.

Elín Ágústa deildarstjóri á skrifstofu jarðvísindaskorar og land- og ferðamálfræðiskorar er að fara í annað starf við Háskóla Íslands. Ákveða þarf hið fyrsta, með tilliti til þarfa þessara skora, hvernig þeirri stoðþjónustu, sem verður ekki lengur til staðar með brotthvarfi Elínar Ágústu, verður fyrir komið.

Fleira ekki tekið fyrir á fundi. Fundi slitið kl 15:00

Jón Guðmar Jónsson

fundarritari