369. deildarráðsfundur raunvísindadeildar

369. deildarráðsfundur raunvísindadeildar var haldinn föstudaginn 2. mars 2007, í VR-II, fundarherbergi VR-257 og hófst kl. 12:30.

Mættir voru: Hörður Filippusson, Þóra Ellen Þórhallsdóttir, Robert J. Magnus, Magnús Tumi Guðmundsson, Ágúst Kvaran, Guðni Á Alfreðsson, Ingibjörg Jónsdóttir og Sigurjón Arason fyrir Ingu Þórsdóttur. Fundarritari var Jón Guðmar Jónsson.

Guðmundur R. Jónsson formaður fjármálanefndar háskólaráðs og Sigurður J. Hafsteinsson sviðsstjóri fjármála mættu undir dagskskrárlið 2. Einnig mætti Rögnvaldur Ólafsson formaður fjármálanefndar deildar vegna þessa dagskrárliðar.

Mál á dagskrá:

1. Fundargerð síðasta fundar.

Samþykkt án athugasemda.

2. Fjárhagsáætlun deildar 2007-Athugasemdir fjármálanefndar háskólaráðs. (GRJ og SJH mættu undir þessum dagskrárlið).

Formanni fjármálanefndar háskólaráðs hafði verið falið af háskólaráði að ræða við deildarforseta raunvísindadeildar vegna halla í fjárhagsáætlun deildar sem hafði verið skilað með 9,8 Mkr halla.

Fram kom hjá þeim Guðmundi R. Jónssyni og Sigurði Júlíusi Hafsteinssyni að tilgangurinn með þeim viðræðum og væri að ná halla deildar niður í núll og að háskólaráð myndi ekki una við annað.

Fjárhagsstaða deildar var rædd ítarlega meðal annars í ljósi stöðu deildarinnar varðandi framhaldsnám og hvað það hefði eflst á undanförnum árum sem ætti að skila sér í auknum fjárveitingum til deildar. Bent var á að líklega mætti gera ráð fyrir að um helmingur doktora við Háskóla Íslands á árinu 2007 verði frá raunvísindadeild.

Málið var rætt áfram eftir að þeir GRJ og SJH yfirgáfu fundinn. Voru fundarmenn sammála því að leita allra leiða til þess að ná halla deildar vegna ársins 2007 niður í núll.

3. Mál til kynningar.

Lögð fram gögn um:

3.1 Tillögur gæðanefndar um háskólaráðs um „Miðstöð framhaldsnáms við Háskóla Íslands (Graduate School)".

3.2 Samkomulag um skipan þverfaglegs meistara- og doktorsnáms í lýðheilsufræðum við Háskóla Íslands.

3.3 Reglur fyrir Háskóla Íslands nr. 458/2000 III kafla um „Háskólakennara og sérfræðinga“. Staðfestar í háskólaráði 15. febrúar 2007.

3.3.1 Greinargerð og skýringar við endurskoðuð ákvæði III kafla reglna fyrir Háskóla Íslands.

Deildarforseti fór yfir og vakti athygli á helstu nýmælum í; Reglum.....skv. 3.3 og „Greinargerð, skv. 3.3.1 hér að ofan.

3.4 Ytri úttekt á raunvísindadeild. „Lokaskýrsla úttektarnefndar og bréf ráðuneytisins".

3.5 Bréf frá prófstjóra, Hreini Pálssyni þar sem minnt er á möguleika á að sækja um styrk í Kennslumálasjóð í verkefni til eflingar kennslu.

4. Skipting jarð- og landfræðiskorar.

Tillaga raunvísindadeildar um breytingu á skorum raunvísindadeildar var samþykkt í háskólaráði þann 15. febrúar síðastliðinn.

Það í hvaða skorum kennarar sitja skal samþykkt á deildarfundi.

Deildarforseti fór yfir hverjir væru kennarar skorarinnar/skoranna sem breytingin hefur áhrif á.

Fram kom hjá Ingibjörgu Jónsdóttur að hún óskar eftir því að vera í jarðvísindaskor.

Málið var rætt frá ýmsum sjónarhornum.

Deildarforseti lagði til að leitað yrði álits jarð- og landfræðiskorar um það hvar/í hvaða skorum menn myndu sitja og hvað námskeið yrðu í hvorri skor.

Það var samþykkt.

5. Frumvarp til laga um sameiningu HÍ og KHÍ (Frestað frá síðasta fundi. Óskað hafðfi verið eftir skriflegum tillögum að athugasemdum á fundinum).

Deildarforseti las í upphafi fundar upp bréf frá Eggerti Briem, sem er í leyfi í Nice, um sameiningu KHÍ og HÍ.

Heilmikil umræða varð um sameiningu háskólanna, menntun raungreinakennara og fleira. Að umræðu lokinni var deildarforseta faldið að skrifa bréf til Alþingis og gera athugasemdir við frumvarpið í samræmi við umræðuna á fundinum.

6. Val fulltrúa stúdenta á deildarfundi (frestað frá síðasta fundi-stúdentar komi með tillögu).

Fulltrúar stúdenta höfðu boðað forföll á fundinn en munu koma með tillögu til deildarráðs á næsta fundi, sbr. bréf Ragnhildar Einarsdóttur fulltrúa stúdenta til deildarforseta.

7. Tillaga líffræðiskorar um tímabundna ráðningu kennara í líffræðiskor til 3ja ára.

Guðni Á Alfreðsson formaður líffræðiskorar lagði fram erindi um að Dr. Arnar Pálsson verði ráðinn, án auglýsingar, tímabundið til 3ja ára í starf lektors í þróunarfræði, erfðafræði og skyldum greinum til 3ja ára frá 1. apríl 2007. Prófessorarnir Einar Árnason og Ólafur S. Andrésson höfðu lagt til á skorarfundi í líffræðiskor, þann 23. 02. 2007, að Arnar yrði ráðinn og það verið samþykkt.

Arnar hefur hlotið Marie Curie styrk frá Evrópusambandinu til tveggja ára að fjárhæð 80.000 Evrur til greiðslu efniskostnaðar og launa aðstoðarmanna. Auk ofangreinds styrks hefur yfirstjórn Háskólans samþykkt að veita styrk til 3ja ára til að greiða fyrir rannsóknahluta lektorsstöðunnar í þann tíma. Einnig hefur Arnari tekist að afla sér innlends styrks á þessu ári.

Samþykkt einróma að ráða dr. Arnar Pálsson í samræmi við ofangreint.

Engin önnur mál.

Fleira ekki tekið fyrir á fundi.

Fundi slitið kl 15:15

Jón Guðmar Jónsson fundarritari