357. deildarráðsfundur raunvísindadeildar

aftur Yfirlitssíða fram

357. deildarráðsfundur raunvísindadeildar var haldinn miðvikudaginn 31. maí 2006, í VR-II, fundarherbergi 257, og hófst kl. 12:30.

Mættir voru:>Hörður Filippusson, Hermann Þórisson fyrir Robert J. Magnus, Magnús Tumi Guðmundsson, Ingvar Helgi Árnason, Guðmundur Hrafn Guðmundsson, Áslaug Geirsdóttir og Ágúst Guðmundsdóttir fyrir Kristberg Kristbergsson. Fulltrúar stúdenta þau, Jón Steinar Garðarsson Mýrdal og Ragnhildur Einarsdóttir. Fundarritari var Jón Guðmar Jónsson.

Mál á dagskrá:

1. Fundargerð síðasta fundar

Samþykkt án athugasemda.

2a) Andmælendur við doktorsvörn Helgu Margrétar Pálsdóttur-Afgreitt milli funda. Tillaga skorar um andmælendur við doktorsvörn Helgu Margrétar Pálsdóttur þann 23. júní næstkomandi var að það verði þeir: Nils Peder Willassen, Dr. scient, Professor, við Dept. of Molecular Biotechnology, University of Trompsö og Dr. Bjarni Ásgeirsson prófessor í efnafræði við raunvísindadeild.
Deildarráð hafði samþykkt tillögu skorar milli funda.

2b). Breytt starfshlutfall kennara við líffræðiskor-Framhald frá síðasta fundi

Rektor hefur ákveðið að veita styrk af þróunarfé rektors til að greiða rannsóknahluta launa Zophoníasar Odds Jónssonar dósents á sviði sameindalíffræði við líffræðiskor raunvísindadeildar. Árleg styrkupphæð er kr.2.290.426. Styrkurinn er veittur til þriggja ára frá 1. janúar 2006 og tekjufærist á líffræðiskor.

Samþykkt einróma að ráða Zophonías í 100% starf dósents við skorina

3. Dómnefnd um starf sérfræðings í næringarfræði við Rannsóknastofu í næringarfræði

Matvæla- og næringarfræðiskor hefur tilnefnt Ágústu Guðmundsdóttur prófessor til að vera formaður dómnefndar um starf sérfræðings í næringarfræði við Rannsóknastofu í næringarfræði.

Einn umsækjandi er um starfið.

Deildarráð samþykkti tillögu skorar einróma.

4. Nefndir deildar

Frestað þar til síðar á fundinum.

5. Drög að reglum um meistara- og doktorsnám í lýðheilsufræðum

Lögð voru fram eftirtalin gögn:

- Kynning á starfsdegi þann 29/5 2006 um þverfaglegt nám í lýðheilsufræðum.
- Drög, dags. 24/5 2006 að; „Reglum um meistara- og doktorsnám í lýðheilsufræðum við Háskóla Íslands.“
- Samkomulag, drög, dags. 23/5 2006, um meistara- og doktorsnám í lýðheilsufræðum.
- Tillaga um meistaranám í lýðheilsufræðum, ÞK/HJ/9/5 2006.
- „Akademískt nám í lýðheilsufræði við Háskóla Íslands. Drög að greinargerð með viðauka (reglum) um stofnun þverfaglegs rannsóknanáms í akademiskri lýðheilsufræði, dags. 4/5 2006.

Greinargerðina samdi starfshópur á vegum rektors undir forsystu Haralds Briem sóttvarnarlæknis og dósents við Háskólann. Aðrir í starfshópnum voru fulltrúar frá hverri deild. Fulltrúi raunvísindadeildar var Inga Þórsdóttir prófessor.

Deilarráð gerir ekki athugasemdir við greinargerðina eða drög að reglum um námið.

6. Viðmið um æðri menntun og prófgráður

Lögð fram skýrsla Menntamálaráðuneytisins um „Viðmið um æðri menntun og prófgráður á Íslandi á Íslandi, maí 2006.“

Umræður urðu um skýrsluna meðal annars um rannsóknatengt meistaranám og meistaranám án rannsókna,  einnig um það þegar nemendur fara í doktorsnám strax eftir BS-nám en skýrslan lokar ekki á þann möguleika, sbr. orðalag í kafla 2.3, 3. mgr. „Nemendur sem hefja doktorsnám skulu að jafnaði hafa lokið rannsóknatengdu meistaranámi eða kandídatsprófi.“ Einnig var mikið rætt um það sem segir í kafla 5.1 þar sem segir meðal annars; „Þeir háskólar sem falla undir lög um háskóla nr.xxx/2006 skuli skilgreina þá þekkingu, hæfni og getu sem nemendur á sérhverri námsleið eiga að búa yfir við námslok.“

Þá var rætt um það hvernig það ætti við grein eins og stærðfræði þegar sagt er;....nemandi hafi lokið a.m.k. 30e (60 ECTS) rannsóknaverkefni til að fara í doktorsnám.

Samþykkt var að deildarforseti svari fyrir tilskilinn frest nú í júní og gefi umsögn um skýrsluna í anda þeirrar umræðu sem fram fór á fundinum.

4. Nefndir deildar

Deildarforseti rifjaði upp nefndir deildar:

-Fjármálanefnd.
-Framgangsnefnd.
-Kennsluskrárnefnd.
-Rannsóknanámsnefnd.
-Vísindanefnd.
-Bóka- og ritakaupanefnd.

Til viðbótar þarf að skipa:

-Kynningarnefnd með einum fulltrúa frá hverri skor.
-Jafnréttisnefnd deildar, þriggja manna nefnd.
-Vísindanefnd sem sæi meðal annars um raunvísindaþing sem haldið hefur verið á tveggja ára fresti.

Deildarforseti rifjaði upp hlutverk þeirra nefnda sem nú eru starfandi í deild og þeirra nefnda sem þarf að skipa og að það þyrfti að setja þeim erindisbréf eftir því sem við ætti.

7. Önnur mál

Engin önnur mál.
Fleira ekki tekið fyrir og fundi slitið kl 14:30

Jón Guðmar Jónsson
fundarritari