1. Fundargerð síðasta fundar.

Samþykkt með athugasemdum við dagskrárlið 3 um að bæta við að Ragnar Sigurðsson hefði fengið mjög lofsamlega dóma fyrir sína kennslu í dómnefndarálitinu.

2. Húsnæðismál matvæla-og næringarfræðiskorar.

Deildarforseti las úr fundargerð háskólaráðs frá 10. nóvember þar sem kemur fram samþykkt ráðsins um að í framtíðinni verði matvæla- og næringarfræðiskor til húsa í fyrirhuguðum Vísindagörðum í Vatnsmýrinni.

3. Starf dósents í stærðfræði: Skipun dómnefndar.

Stærðfræðiskor hefur lagt til að Jón Ingólfur Magnússon dósent í stærðfræðiskor verði formaður dómnefndar um starf dósents í stærðfræði. Um er að ræða starf Jóns Ragnars Stefánssonar dósents sem er að hætta störfum.

4. Starfsáætlanir skora fyrir árið 2006.

Deildarforseti ítrekaði að skorir héldu áfram endurskoðun á starfs-/kennsluáætlun sínum. Einnig að skorir mundu aðgreina betur grunnnámið og rannsóknanámið í áætlanagerðinni.

5. Doktorsnám og doktorsvarnir

Deildarforseti skýrði frá því að nú vær 48 doktorsnemar í doktorsnámi og gera mætti ráð fyrir einni doktorsvörn á mánuði á komandi árum. Deildarforseti óskaði eftir áætlun frá skorarformönnum um það hvaða doktorsvarnir yrðu hugsanlegar á næsta ári.

8. Önnur mál.

8.1 Styrkur til þýskunáms.

Deildarforseti kynnti auglýsta styrki fyrir nemendur til þýskunáms í Þýskalandi en tilkynning um þetta barst frá forseta hugvísindadeildar. Deildarforseti bað skorarformenn að kynna þetta fyrir nemendum í sínum skorum.

8.2 Fyrirspurn frá fulltrúa nemenda um aðstöðu í bókasafni og í tölvuveri.

Fulltrúi nemenda óskaði eftir upplýsingum um aðstöðu nemenda raunvísindadeildar í bókasafni og tölvuveri í VR-II.

6. Rannsóknamisseri.

Eðlisfræðiskor hefur samþykkt fyrir sitt leyti að Örn Helgason fari í rannsóknamisseri sem hann hefur sótt um. Deildarráð samþykkti þetta fyrir sitt leyti.

Örn Helgason - Samþykkt - Vor 2006.

7. Skýrsla starfshóps rektors um viðbrögð við niðurstöðum ytri úttektar á Háskóla Íslands.

Deildarforseti dreifði skýrslu starfshóps rektors um viðbrögð við niðurstöðum ytri úttektar á Háskóla Íslands.

Deildarforseti fór yfir helstu atriði skýrslunnar.

9. Stefnumótun Háskóla Íslands - 2006-2007.

Deildarforseti kynnti þau vinnubrögð sem rektor hafði kynnt sem markmið Háskóla Íslands um fimmföldun doktorsnámsins á næstu 5 árum og tölulegar forsendur í þeim efnum, þ.e. forsendur um fjárþörf til að ná þeim markmiðum.

Þessi mál verða rædd á háskólafundi þann 17. nóvember næstkomandi.