1. Fundargerð síðasta fundar.

Samþykkt án athugasemda.

3. Ráðning í starf kennara í stærðfræði.

Deildarforseti lagði til að Ragnar Sigurðsson vísindamaður á Raunvísindastofnun yrði ráðinn án auglýsingar í starf prófessors við stærðfræðiskor frá og með næstu áramótum í stað Halldórs I. Elíassonar, prófessors, sem hættir á sama tíma, sjá dagskrárlið 2.

Stærðfræðiskor samþykkti einróma á fundi sínum þann 24. október síðastliðinn að fara fram á að Ragnar verði ráðinn.

Deildarráð samþykkti einróma að leggja til við rektor að Ragnar verði ráðinn í prófessorsstöðu en hann hlaut hæfi vísindamanns skv. dómnefndaráliti þann 20. janúar 2005.

4. Ráðning dósents i næringarfræði.

Matvæla- og næringarfræðiskor hafði samþykkt einróma á fundi sínum 18. okt. 2005 að ráða Ingibjörgu Gunnarsdóttur í starf dósents við skorina. Ingibjörg var eini umsækjandinn.

Deildarráð samþykkti einróma að leggja til við rektor að Ingibjörg verði ráðin í starf dósents.

5. Skipun dómnefndar um framgang Sigurðar S. Snorrasonar í starf prófessors.

Líffræðiskor leggur til að Páll Hersteinsson, prófessor, verði formaður dómnefndar um framgang Sigurðar S. Snorrasonar, dósents í starf prófessors.

Tillaga líffræðiskorar samþykkt í deildarráði.

6. Til kynningar.

6.1 Ný námsleið í lýðheilsufræðum

Haraldur Briem, sóttvarnarlæknir, hefur verið skipaður formaður nefndar til að undirbúa nýja námsleið í rannsóknanámi í lýðheilsufræðum. Allar deildir munu eiga fulltrúa í nefndinni. Deildarforseti hefur skipað Ingu Þórsdóttur til að vera fulltrúi deildar í nefndinni.

6.2 Frumvarp til fjárlaga 2006 - Forsendur fjárveitinga til kennslu í háskólum.

Deildarforseti dreifði gögnum um forsendur fjárveitinga til kennslu í háskólum.

6.3 Stefna Háskólans gagnvart starfsmönnum sem eiga við áfengis- og vímuefnavanda að stríða.

Deildarforseti dreifði bréfi frá starfsmannasviði varðandi málið (bréf dags. 14.10.2005) og plaggi "Áfengismisnotkun - Leiðir til úrræða".

6.4 Erindi frá rannsóknanámsnefnd raunvísindadeildar.

Lagt fram bréf rannsóknanámsnefndar, dags. 26.10. 2005, um afgreiðslu nefndarinnar á umsóknum um rannsóknanám, þeirra sem hefja nám á vormisseri 2006.

6.5 Raunvísindaþing 2006 - Undirbúningsnefnd.

Deildarforseti hefur tilnefnt Freystein Sigmundsson, jarðeðlisfræðing, sem formann undirbúningsnefndar Raunvísindaþings 2006. Aðrir í nefndinni eru Ólafur S. Andrésson frá Líffræðistofnun, Hannes Jónsson frá Eðlis-, efna- og stærðfræðistofnun og Ólafur Guðmundsson frá Jarðvísindastofnun.

7. Rannsóknamisseri.

Efnafræðiskor hefur samþykkt fyrir sitt leyti að leggja til að heimila Jóni K.F. Geirssyni og Sigurjóni Norberg Ólafssyni að fara í rannsóknamisseri:

• Jón K.F. Geirsson - vor 2006 og
• Sigurjón Norberg Ólafsson - vor 2006.

Deildarráð samþykkti ofangreind erindi um rannsóknamisseri fyrir sitt leyti.

8. Starfs- og fjárhagsáætlun raunvísindadeildar árið 2006. Rögnvaldur Ólafsson mætti á fundinn.

Farið var yfir stöðu mála varðandi verkefna- og fjárhagsáætlun ársins 2006 en fyrstu drög voru lögð fram fyrir fjármálanefnd háskólaráðs þann 15. október sl. og í framhaldi af því fóru deildarforseti, skrifstofustjóri og formaður fjármálanefndar deildar á fund nefndarinnar þar sem deildarforseti gerði grein fyrir forsendum áætlunarinnar.

Á deildarráðsfundinum voru síðan rædd áframhaldandi vinnubrögð við gerð áætlunarinnar og þá sérstaklega að aðgreina rannsóknanámið frá grunnáminu í áætlanagerðinni.