1. Fundargerð síðasta fundar.

Samþykkt með breytingum, þannig að í 6. dagskrárlið í stað Raunvísindastofnun, komi Eðlis-, efna- og stærðfræðistofnun.

2. Raunvísindaþing árið 2006.

Í undirbúningsnefnd eru: Ólafur S. Andrésson, frá Líffræðistofnun, Hannes Jónsson, frá Eðlis-, efna- og stærðfræðistofnun og Ólafur Guðmundsson frá Jarðvísindastofnun. Auk ofannefndra verður formaður nefndarinnar skipaður síðar.

3. Dómnefnd um framgang Kristbergs Kristbergssonar í starf prófessors.

Matvæla- og næringarfræðiskor leggur til að Ágústa Guðmundsdóttir, prófessor, verði formaður dómnefndar um framgang Kristbergs Kristbergssonar í starf prófessors.

4. Mál til kynningar.

4.1 Fjárhagsáætlun 2006. .

Deildarforseti skýrði frá því að forsvarsmenn deildar hefðu verið boðaðir á fund fjármálanefndar mánudaginn 17. október næstkomandi.

4.2 Nýir starfsmenn í verkfræðideild.

Deildarforseti skýrði frá því að tveir nýir starfsmenn/verkefnisstjórar hefðu verið ráðnir hjá verkfræðideild; verkefnisstjóri fjármála og verkefnisstjóri kynningarmála. Sá fyrrnefndi byrjar í byrjun nóvember og sá síðarnefndi nú í byrjun október.

4.3 Bréf framkvæmdastjóra kennslusviðs, Þórðar Kristinssonar, um reglur HÍ, um fjöldatakmörkun og innritun nýnema í janúar 2006.

Deildarforseti lagði til við deildarráð að heimiluð yrði innritun nýnema í janúar 2006. Það var samþykkt.

4.4 Fulbright kennarar.

Deildarforseti vakti athygli skorarformanna á því að sækja um að fá Fulbright kennara við sínar skorir eftir því sem aðstæður leyfðu.

4.5 Breyting á vinnutíma umsjónarmanna húsa Háskólans.

Deildarforseti lagði fram minnisblað um vinnutíma umsjónarmanna húsa Háskólans, en nýtt vaktafyrirkomulag og vinnutími verður tekinn upp.

4.6 Deildarfundur 12. október 2005.

Deildarforseti skýrði frá því að deildarfundur yrði haldinn þann 12. okt. næstkomandi. Á dagskrá verður:

1. Breyting á reglum um doktorsnám.
2. Problem Based Learning. Stefán B. Sigurðsson, forseti læknadeildar, kynnir málið.
3. Álit kennsluháttarnefndar.

6. Önnur mál.

6.1 Starf tímabundins dósents til eins árs við stærðfræðiskor.

Um verður að ræða tímabundna ráðningu til eins árs frá 1. janúar 2006. Stærðfræðiskor hefur samþykkt að leggja til að Violeta Calian verði ráðin í starfið.

Samþykkt í deildarráði að óska eftir ráðning hennar.

6.2 Rannsóknamisseri

Stærðfræðiskor leggur til að mæla með að Jón Kr. Arason fari í rannsóknamisseri vorið 2006, sbr. umsókn hans.

Samþykkt í deildarráði.

6.3 Aðjúnktar við eðlisfræðiskor.

Eðlisfræðiskor leggur til og hefur samþykkt að eftirtaldir verðir ráðnir aðjúnktar með gamla laginu:

• Sveinn Ólafsson, til 1. júlí 2007.
• Þórður Jónsson til 1. júlí 2007.
• Halldór Björnsson til 1. júlí 2006.
• Jón Hálfdánarson til 1. júlí 2007.

Samþykkt í deildarráði.

5. Fjármál deildar.

Deildarforseti kynnti Litla Excel-blaðið og fór yfir yfirlitsblað sitt um "Lykiltölur byggðar á deililíkaninu". Þar kom fram að raunvísindadeild hefur verið innan eðlilegra marka hvað varðar fjölda kenndra námskeiða, fjölda fastra kennara, fjölda vinnustunda við kennslu og hvað varðar aðra viðmiðunarþætti.

Rögnvaldur Ólafsson gerði síðan ítarlega grein fyrir stöðu fjármála deildarinnar og þróun undanfarin ár, skýrði forsendur deililíkansins o.fl.

Dreift var yfirlitum yfir stöðu fjármála fyrir tímabilið janúar/ágúst, fyrir árin 2005 og 2004.

6. Önnur mál.

Engin önnur mál.