335. deildarráðsfundur

335. deildarráðsfundur raunvísindadeildar var haldinn miðvikudaginn 2. febrúar 2005, í stofu VR-257 og hófst kl. 12:30.

Mættir voru: Hörður Filippusson, Þorsteinn Vilhjálmsson, Jón Kr. Arason, Ingvar H. Árnason, Kesara A. Jónsson, Ingibjörg Jónsdóttir og Kristberg Kristbergsson. Sigurður S. Snorrason og Rögnvaldur Ólafsson mættu undir dagskrárlið 2. Fundarritari var Jón Guðmar Jónsson.

Mál á dagskrá:

1. Fundargerð síðasta fundar

Samþykkt með breytingum.

2. Endurskoðun meistaranáms í umhverfis- og auðlindafræðum

Sigurður S. Snorrason og Rögnvaldur Ólafsson mættu undir þessum dagskrárlið: SSS gerði grein fyrir niðurstöðum starfshóps rektors um endurskoðun meistaranáms í umhverfis- og sjávarútvegsfræðum. Sigurður S. Snorrason var staðgengill Þóru Ellenar Þórhallsdóttur sem formaður starfshópsins, þar sem Þóra Ellen er í rannsóknamisseri. SSS dreifði og fór yfir sjónarmið starfshópsins og drög að "Reglum um meistaranám við Háskóla Íslands í umhverfis- og auðlindafræðum".
Rögnvaldur Ólafsson gerði grein fyrir umfjöllun um námið í háskólaráði.
Miklar umræður urðu um málið. Hvernig staðið yrði að náminu, fyrirkomulagi, hvar því yrði fyrirkomið og fjármögnun þess.
Mikið var rætt um nafnið "auðlindafræði". Deildin þarf að tilnefna mann í námsstjórn.

3. Dómnefnd um sérfræðingsstöðu á stærðfræðistofu

Samþykkt að Robert J. Magnus verði formaður dómnefndar um sérfræðingsstöðu á stærðfræðistofu.

4. Samræmdar M.Paed-reglur fyrir raunvísindadeild

Dreift var drögum að reglum til meistaraprófs fyrir kennara (M.Paed.-prófs). Annars vegar drög:

  1. "Nám til meistaraprófs fyrir kennara (M.Paed-prófs) í stærðfræði, eðlisfræði, efnafræði og stjarnvísindum. Drög Þorsteins Vilhjálmssonar 27.12.04 eftir fund 20.12.04.2
  2. "Nám til meistaraprófs fyrir kennara (M.Paed-prófs) í líffræði. Kesara A. Jónsson 02.02.2005".
Málið var rætt. Samþykkt að Þorsteinn Vilhjálmsson, Kesara A. Jónsson og Ingibjörg Jónsdóttir semdu samræmd drög til að leggja fyrir deildarfund þann 10. febrúar n.k.

5. Tillaga um breytingu á nafni matvælafræðiskorar

Kristberg Kristbergsson, formaður matvælafræðiskorar, lagði fram tillögu að breytingu á nafni skorar en skor hefur gert það að tillögu sinni á skorarfundi 25. janúar sl. að nafnið á skor breytist í „matvæla- og næringarfræðiskor.“ Samþykkt tillaga um breytingu á nafni skorar verði lögð fyrir næsta deildarfund þann 10. febrúar n.k.

6. Tillaga um nýtt starf kennara í næringarfræði

Formaður skorar lagði fram tillögu skorar og greinargerð með henni um að óskað verði eftir heimild til að auglýsa 100% kennarastarf í næringarfræði við skorina. Málið hefur verið rætt í fjármálanefnd deildar og var rætt á fundinum. Deildarforseti skýrði almennar forsendur fyrir hlutfalli/fjölda fastra kennara miðað við heildarkennslu í skorinni.
Samþykkt að vísa málinu til nánari skoðunar í fjármálanefnd deildar og þaðan til deildarráðs.

7. Ósk um stöðu kennara í líffræði

Líffræðiskor samþykkti á fundi sínum 1. febrúar að óska eftir því að Snæbjörn Pálsson yrði ráðinn í starf lektors til eins árs frá 1. janúar sl. Gert yrði ráð fyrir því að líffræðiskor greiddi 57% launanna en 43% frá rannsóknarreikningi/reikningum Líffræðistofnunar.
Málinu vísað til fjármálanefndar deildar.

8. Önnur mál

8.1 Aðjúnktar

Samþykkt tillaga líffræðiskorar um áframhaldandi ráðningu Sigurðar Richter í starf aðjúnkts sbr. gamla laginu til tveggja ára frá 1. september 2004.

8.2 Deildarfundur 10. febrúar nk.

Deildarforseti tilkynnti deildarfund þann 10. febrúar nk. og helstu mál sem þar yrðu á dagskrá.

8.3 Undirbúningsnefnd um umhverfisfræðinámið

Deildarforseti skýrði frá því að Guðrún Gísladóttir hefði verið fulltrúi deildar í undirbúningshópi um umhverfisfræðinámið.

Fleira ekki tekið fyrir á fundi.
Fundi slitið kl. 15:15
Jón Guðmar Jónsson