259. deildarráðsfundur
Dagskrá:
- Stund: Miðvikudagur 23. nóvember 2005 kl. 12:30-14:10
- Staður: V-257, fundarherbergið í VR-II
- Fundarmenn: Sigurður Brynjólfsson, Sigurður Erlingsson, Bjarni Bessason, Ólafur Pétur Pálsson, Jóhannes R. Sveinsson, Ebba Þóra Hvannberg, Trausti Hannesson, Sigríður V. Halldórsdóttir, Valur Fannar Þórisson og Ragnar Skúlason. Fundarritari var Pálmi Jóhannesson.
Samþykkt með leiðréttingu á nafni eins fulltrúa stúdenta.
17. nóvember sl. var haldinn háskólafundur. Þar var meðal annars fjallað um skýrslu starfshóps háskólans um viðbrögð við úttektum Ríkisendurskoðunar á fjárhagsstöðu, úttekt menntamálaráðuneytisins á akademískri stöðu og úttekt Samtaka evrópskra háskóla (EUA) á umgerð framhaldsnáms og gæðastarfi Háskóla Íslands. Skýrslu starfshópsins hafði verið dreift til fundargesta. Þá var á háskólafundinum rædd stefnumótun Háskólans.
Unnið er að því að setja upp á Uglu kerfi þar sem starfshópar skólans geta stofnað vinnusvæði undir gögn og samskipti sín á milli.
Samþykkt var samhljóða að leggja til að Sigurður M. Garðarsson yrði fulltrúi deildar í dómnefnd um starf í umhverfisverkfræði við u&b, sbr. síðustu fundargerð.
Lögð voru fram uppfærð drög að kennsluáætlun og fjárhagsáætlun 2006. Miklar umræður urðu um fjármálin.
Páll Valdimarsson prófessor í v&i gegnir 25% starfi næstu tvö ár frá 1. nóvember að telja. V&i skor óskar eftir að ráða starfsmann í fullt starf á sviði varma- og straumfræði, postdoc án kennsluskyldu, og ennfremur annan í 49% starf lektors/dósents á sviði orkuiðnaðar. Bæði störfin yrðu tímabundin til tveggja ára.
Samþykkt var samhljóða að heimila v&i að stofna til þessara starfa.
Samþykkt var samhljóða að heimila Sigurði M. Garðarssyni dósent í u&b að fara í rannsóknamisseri á vormisseri 2006
Samþykkt var samhljóða umsókn Georges Guigay um doktorsnám í brunafræðum við u&b undir umsjón Jónasar Elíassonar.
Samþykkt var samhljóða að heimila r&t að nýráða Kristin Andersen aðjúnkt frá og með 1. nóvember sl.
Fleira gerðist ekki.