Samþykkt.
Amalía Skúladóttir, Halldór Jónsson, Tryggvi Þórhallsson og Þórður Kristinsson frá sameiginlegri stjórnsýslu komu á fund deildarforseta og stjórnsýslu verkfræðideildar þriðjudag 29. nóvember sl. Rædd voru ýmis mál sem snerta deildina og sameiginlega stjórnsýslu.
V&i mun tilnefna fulltrúa deildar í dómnefnd um starf kennara í flutningafræðum. Skotið verður á netdeildarráðsfundi til að fjalla um tilnefninguna og verður það gert fyrir jól.
Eftir fund stýrinefndar verkfræðideildar um stefnumótunarvinnu með verkefnisstjórn háskólans um málið var ákveðið að breyta áður ákveðnu vinnulagi verkfræðideildar og færa umfjöllun um þættina "kennsla, rannsóknir, stjórnun, samskipti" til skora í stað blandaðra umræðuhópa. Skorir voru beðnar að taka strax til starfa og ræða þessi mál og skila af sér punktum 16. desember nk. Föstudagur 13. janúar verður starfsdagur og verður þar gengið frá drögum að stefnumótun verkfræðideildar.
Dreift var samantekt deildarforseta á húsnæðinu í VR-II, VR-III, Tæknigarði, Smyrilsvegi, Endurmenntun og á Selfossi og því rými í þessum byggingum sem skráð er á verkfræðideild. 5.300 fermetrar eru skráðir á verkfræðideild en eitthvað er ranglega fært og verður umráðasvæði verkfræðideildar með leiðréttingu um 5.000 fermetrar. Mjög miklar umræður urðu um húsnæðisþörf deildarinnar og möguleika í Vísindagörðum.
Formaður tölvunarfræðiskorar hafði þurft að fylgja barni sínu á slysavarðstofu nokkru áður en fundur hófst og var enn ókominn þegar hér var komið sögu. Fundi var því frestað til föstudags 9. desember nk.
- Tími: Mánudagur 12. desember 2005 kl. 9-10:50
- Staður: Fundarherbergið, V-257, í VR-II
- Fundarmenn: Sigurður Brynjólfsson, Sigurður Erlingsson, Bjarni Bessason, Ólafur Pétur Pálsson, Jóhannes R. Sveinsson og Ebba Þóra Hvannberg.
Deildarforseti lagði fram eftirfarandi tillögu að skiptingu fjárveitinga milli rekstrareininga deildarinnar fjárlagaárið 2006, í þúsundum króna:
Sameiginleg útgjöld: 39.000, u&b: 79.000, v&i: 93.700, r&t: 68.000, tölv: 76.500.
Tillagan var samþykkt með einni hjásetu og einu mótatkvæði. Formaður v&i óskaði eftir því að bókað yrði að 13 miljónir, sem v&i hefði aflað skv. deililíkani deildar, væru af henni teknar og dreift á aðrar skorir.
Jóhannes R. Sveinsson óskaði eftir því að breytt yrði tilhögun styrkveitingar á ársfundi verkfræðistofnunar þannig að Hewlett-Packard styrkurinn rynni til nemenda sem væru í námi við skólann en ekki þeirra sem komnir væru annað.
