1. BEST - evrópsk samtök verkfræðinema

Andri H. Kristinsson og Kenneth Breiðfjörð komu á fundinn og kynntu BEST samtökin. Áhugi er á því meðal verkfræðistúdenta að ganga í samtökin.

2. Fundargerð síðasta fundar

Samþykkt með leiðréttingu við lið 8 þar sem misritast hafði Örvar Jónsson væri meistarastúdent við u&b en ekki v&i.

3. Til kynningar

3.1 Nýir starfsmenn deildar

Í gær hófu tveir nýir starfsmenn deildarinnar störf, þær Edda Friðgeirsdóttir, verkefnisstjóri fjármála, og Hlín Eyglóardóttir, fulltrúi.

3.2 Ársfundur verkfræðistofnunar

Ársfundurinn verður haldinn 30. nóvember næstkomandi.

3.3 Starf í umhverfisverkfræði

Fjórar umsóknir bárust um starfið í umhverfisverkfræði sem auglýst var 25. september sl.

3.4 Starf í tölvunarfræði

Kristjáni Jónassyni hefur verið boðið starf dósents í tölvunarfræðiskor, sjá fundargerðir frá 8. júní og 14. október sl. Kristján þáði starfið og tekur við því 1. janúar nk.

3.5 Dósentsstarf í lífverkfræði

James Beach hefur þegið starf dósents í lífverkfræði, sjá fundargerð 14. október sl.

3.6 Fundarboð og fundargerðir

Deildarforseti óskaði eftir því að sér yrðu send fundarboð og fundargerðir skora. Þá óskaði hann ennfremur eftir því að fundargerðir deildar og deildarráðs yrðu sendar öllum starfsmönnum deildarinnar í tölvupósti, auk birtingar á vefnum.

4. Húsnæði - þarfagreining

Vegna vinnu við stefnumótun deildarinnar og hugmynda um vísindagarða í Vatnsmýri er nauðsynlegt að deildin skilgreini ítarlega þarfir sínar fyrir húsnæði til kennslu, rannsókna og skrifstofa. Deildarforseti nefndi rakti ýmsar tölur varðandi þreyttar einingar og húsnæði. Lagt var til að ráðinn yrði sérfræðingur til að stýra þessari þarfagreiningu. Skorarformenn voru beðnir að skoða vandlega húsnæðisþörf sinna skora.

5. Gæðakerfi verkfræðideildar

Lögð voru fram drög að nokkrum gæðaskjölum sem Ólafur Jakobsson, starfsmaður gæðanefndar, hefur samið. Töluverðar umræður urðu um málið.

6. Starf í flutningafræðum/vörustjórnun við v&i

Lögð var fram tillaga v&i að auglýsingu á starfi kennara í vörustjórnun/flutningafræðum. Nokkuð var rætt um orðalag auglýsingarinnar sem í endanlegri gerð hljóðar svo:

Við véla- og iðnaðarverkfræðiskor verkfræðideildar Háskóla Íslands er laust til umsóknar starf háskólakennara á sviði vörustjórnunar/flutningafræði (logistics). Ráðið verður í stöðuna til þriggja ára, með möguleika á framlengingu. Æskilegt er að umsækjendi hafi lokið doktorsprófi á sviði vörustjórnunar/flutningafræða (logistics) og geti uppfyllt skilyrði Iðnaðarráðuneytisins um starfsheitið verkfræðingur. Einnig er reynsla af rannsóknum og kennslu á háskólastigi æskileg. Stefnt er að því að ráða í starfið hið fyrsta eða eftir nánara samkomulagi. Véla og iðnaðarverkfræðiskor hefur þá stefnu að kennsla og rannsóknir við skorina standist samanburð við það besta sem völ er á á alþjóðlegum vettvangi. Umsækjandi þarf því að geta stundað og skipulagt öflugt kennslu- og rannsóknarstarf fyrir meistara- og doktorsnám við skorina á sviði vörustjórnunar/flutningafræði ásamt því að geta kennt og haft umsjón með námskeiðum í grunnnámi skorarinnar.

7. Fulltrúar í starfshóp um framhaldsnám í lýðheilsufræðum

Ýmis nöfn voru nefnd og var deildarforseta að lokum falið að tilnefna í hópinn.

8. Fjármál og fjárhagsáætlun 2006

Dreift var drögum að kennslu- og fjárhagsáætlun 2006 eftir síðustu leiðréttingar skorarformanna. Ekki vannst tími til að ræða málið í þaula en umræðum verður haldið áfram í næstu viku.

9. Önnur mál

9.1 Bóka- og tímaritakaup

Deildin kaupir nú bækur og tímarit fyrir um þrjár miljónir króna. Rætt var að auka þyrfti þessi kaup.

9.2 Skipun í stjórn MPM námsins

Samþykkt var samhljóða að skipa þau Ebbu Þóru Hvannberg, Pál Jensson og Sigurð Brynjólfsson í stjórnina.

9.3 Tilnefning í dómnefnd um starf í umhverfisverkfræði

Eftir nokkrar umræður var ákveðið að ganga frá tilnefningu á netdeildarráðsfundi.