1. Fundargerð síðasta fundar

Samþykkt með breytingum á liðum 2.3 og 4.1.

2. Til kynningar

2.1 Fundir rektors með menntamálaráðherra

Rektor mun funda vikulega með menntamálaráðherra í vetur og kynna m.a. rannsóknir í Háskólanum. Skorarformenn voru beðnir að tilgreina rannsóknir sem fallnar væru til kynningar.

2.2 Samráðsfundur verkfræðideildar og frammámanna í VFÍ

Formaður VFÍ og einn stjórnarmaður koma á morgun til samráðsfundar. Deildarforseti bauð deildarráðsmönnum að sitja fundinn, þeim sem það vildu.

2.3 Fulltrúar u&b í fastanefndum deildar

Fulltrúar u&b í fastanefndum verða þeir sömu og í fyrra, það er Trausti Valsson í kynningarnefnd, Bjarni Bessason í vísindanefnd og Sigurður Erlingsson í kennslunefnd.

3. Háskólasjóður Eimskips, úthlutunarreglur

Miklar umræður urðu um reglurnar og var drepið á ýmis atriði sem fundarmönnum þótti ástæða til að orða skýrar. Að lokum var deildarforseta falið að skrifa drög að umsögn og bera hana undir aðra í deildarráði.

4. Styrkir til meistaranema frá Opnum kerfum

Opin kerfi bjóða 2 milj. kr. styrk til fjögurra nemenda í meistaranámi. Skorir voru beðnar að tilnefna einn meistaranema hver til að hljóta styrkinn.

5. Önnur mál

5.1 Meistaranámsnefndir

Tölvunarfræðiskor leggur til að skipaðar verði meistaranefndir með eftirfarandi nemendum:

Yayoi Shimamura

Leiðbeinendur: Ebba Þóra Hvannberg og Hjálmtýr Hafsteinsson. Fulltrúi deildar: Jóhann P. Malmquist.

Agnar Guðmundsson

Leiðbeinendur: Ebba Þóra Hvannberg og Oddur Benediktsson. Fulltrúi deildar: Snorri Agnarsson.

Guðjón Vilhjálmsson

Leiðbeinendur: Tómas Philip Rúnarsson og Jóhann P. Malmquist. Fulltrúi deildar: Sven Þ. Sigurðsson.

Jóhann Möller

Leiðbeinendur: Ebba Þóra Hvannberg, Hjalti Pálsson. Fulltrúi deildar: Margrét Dóra Ragnarsdóttir.

Þessi tillaga var samþykkt einróma.

5.2 Frágangur meistaraverkefna

Lagðar voru fram til kynningar reglur raunvísindadeildar um skil og frágang 4. árs, B.S. og M.S. ritgerða og fyrirmynd v&i af meistararitgerð í tex formi.

5.3 Bréf formanns u&b vegna orðalags auglýsingar, sbr. síðustu fundargerð

Formaður u&b hefur ritað deildarráði bréf með eindregnum mótmælum skorarfundar við þeim breytingum á orðalagi auglýsingar, sem deildarráð samþykkti á síðasta fundi í bága við vilja skorarinnar.

Eftir nokkrar umræður var borin upp tillaga um að úr auglýsingunni yrði felldur liðurinn "ráðið til fimm ára með möguleika á framlengingu". Tillagan var samþykkt með 3 atkvæðum gegn 2.

Formaður r&t lýsti því yfir að með þessari samþykkt væri r&t óbundin deildarráði um orðalag á auglýsingum sínum og myndi ekki bera þær undir deildarráð. Deildarforseti mótmælti því að þessi skilningur væri lagður í samþykkt deildarfundar.

5.4 Framkvæmdir á bókasafni

Á fundinn komu þeir Kenneth Breiðfjörð og Andri Kristinsson frá Stúdentaráði til að ræða óánægju stúdenta með kynningu og framkvæmd á breytingum á 3. hæð VR-II. Þar á að stúka af sérrými fyrir meistaranema verkfræðideildar og fækkar því borðum B.S. nemenda eitthvað. Rætt var um að fyrirkomulagi á bókasafninu mætti breyta nokkuð svo að fækkun borðanna yrði ekki tilfinnanleg. Eftir nokkrar umræður var Sigurði Brynjólfssyni og Bjarna Bessasyni falið að hafa hönd í bagga með framkvæmdunum.