1. Fundargerð síðasta fundar

Samþykkt.

2. Til kynningar

2.1 Fjármálastaðan

Dreift var yfirliti yfir stöðuna og farið yfir helstu liði.

2.2 Breytingar á deildaskrifstofu v&r

Miklar framkvæmdir hafa staðið yfir á deildaskrifstofum v&r og á þeim að vera lokið áður en kennsla hefst. Þá stendur til að auglýsa störf verkefnisstjóra kynningarmála og fjármála við verkfræðideild auk hálfs starfs fulltrúa í móttöku. Kynnt var orðalag auglýsinga á störfunum.

2.3 Móttaka nýnema

Kennsla hefst mánudag 29. ágúst nk. Nýnemar hafa verið boðaðir á fund með deildarforseta og kennurum kl. 9 sama morgun.

2.4 Listir og vísindi: Klink og Bank

Deildarforseti kynnti erindi frá Guðrúnu Bachmann, kynningarstjóra HÍ. Á menningarnótt, 20. ágúst nk., fer af stað samstarf vísindamanna við HÍ og listamanna frá Klink og Bank. Samstarfið stendur í 9 mánuði og lýkur með sýningu á því sem upp úr því sprettur. Deildarforseti bað skorarformenn að benda á einhvern úr röðum sinna skora til að taka þátt í þessu samstarfi. Fyrsti fundur þeirra sem taka þátt í verkefninu er á morgun, 10. ágúst.

2.5 Styrkir til doktorsnema

Gunnar Björgvinsson í Lúxemborg, hefur ákveðið að styrkja tvo doktorsnema í nanófræðum um 50.000 dali á ári næstu þrjú ár.

2.6 Viðurkenning fyrir kennslu

Á háskólahátíð í október næstkomandi verður einn af kennurum Háskólans heiðraður fyrir afburðakennslu. Deildarforseti óskaði eftir ábendingu frá fundarmönnum um kennara í verkfræðideild sem verðskulduðu þennan heiður.

2.7 Starf lektors/dósents/prófessors í umhverfisverkfræði við u&b

Kynnt var orðalag auglýsingar á starfi kennara í umhverfisfræðum við u&b. Nokkrar umræður urðu um málið og komu fram ábendingar um breytta framsetningu.

2.8 Starf í húsatækni

Kynnt var ósk u&b um heimild til að ráða kennara í húsatækni í 49% starf. Skorin hyggst afla styrks til að standa undir starfinu.

2.9 Starf í flutningafræðum

Kynnt var ósk v&i um heimild til að ráða kennara í hálft starf í flutningafræðum við skorina. Málið verður tekið upp síðar í deildarráði.

3. Stefna og straumar: Starfið fram undan