1. Fundargerð síðasta fundar

Samþykkt án athugasemda.

2. Til kynningar

2.1 Fjárhagsyfirlit deildar

Lagt fram og rætt. Staðan er enn dálítið óljós því eftir er að bóka ýmsa reikninga og launatölur þóttu hæpnar. Miðað við upplýsingarnar í Oracle kerfinu er staðan þó viðunandi.

2.2 Rektorafundur - Nordtek ráðstefna

Fundur rektora norrænna tækniháskóla og fundur tengiliða í Nordtek samstarfinu var haldinn í Reykjavík 11. – 13. júní sl. Deildarforseti rakti helstu umfjöllunarefni.

2.3 Ný störf í r&t

R&t hefur auglýst tvö störf í skorinni.

2.5 Þreyttar einingar

Bráðabirgðatölur um nýnema sýna 53 í u&b, 86 í v&i, 40 í r&t, 5 í hugbúnaðarverkfræði og 36 í tölvunarfræði. Fækkað hefur um 30 frá því í fyrra og virðist þar eingöngu um fækkun í u&b að ræða. Rætt var um hertar reglur kennslusviðs varðandi nemendur sem ekki greiddu skráningargjöld vegna árlegrar skráningar í tæka tíð og hefur verið vísað frá námi af þeim sökum. Athugað verður hvort nemendur verkfræðideildar hafa lent í þessu.

2.5 Þreyttar einingar

Dreift var áætlun um þreyttar einingar skólaárið 2003-2004. Þreyttum einingum virðist fjölga í u&b og v&i en fækka í r&t og tölvunarfræði. Í heild fækkar þreyttum einingum lítillega frá 2002-2003.

3. Tilnefning í dómnefndir

Umsækjendur um auglýst starf í v&i voru tveir: Halldór Pálsson og Sigurður Thoroddsen. Skor leggur til að Páll Valdimarsson verði formaður dómnefndar og var það samþykkt einróma.

Einn umsækjandi var um auglýst starf í u&b: Þorsteinn Þorsteinsson. Samþykkt var einróma að Bjarni Bessason yrði formaður dómnefndar.

4. Nýjar reglur um nýráðningar og framgang

Deildarforseti rakti nýmæli í nýsamþykktum reglum um ráðningar og framgang. Reglurnar voru ræddar ítarlega og þar á meðal hvaða leið deildin ætti að fara við skipun dómnefnda eða valnefnda. Ákveðið var að fela deildar- og varadeildarforsetum að semja uppkast að sérreglum deildar og leggja fyrir næsta deildarráðsfund.

5. Fjárveiting verkfræðistofnunar

Á fjárhagsáætlun deildar voru veittar 9 miljónir til verkfræðistofnunar, með því skilyrði að stofnunin skilaði inn fjárhagsáætlun. Engin fjárhagsáætlun hefur borist. Málefni verkfræðistofnunar voru rædd vítt og breitt og komu fram ýmsar hugmyndir um skipulagsbreytingar. Að loknum umræðum var samþykkt að skipa nefnd sem á að leggja fram tillögu um nýtt skipulag stofnunarinnar á deildarfundi í byrjun ágúst.
Samþykkt var samhljóða að skipa Jóhann P. Malmquist, Jóhannes R. Sveinsson og Sigurð Brynjólfsson í nefndina.

6. Önnur mál

6.1 Meistaranefndir

Ylfa Thordarson

Helgi Þór Ingason er umsjónarmaður, ásamt honum situr Ebba Þóra Hvannberg í nefndinni en fulltrúi deildar er Páll Jensson.

Benedikt Orri Einarsson

Páll Jensson er umsjónarmaður, ásamt honum situr Gylfi Magnússon í nefndinni en fulltrúi deildar er Ólafur Pétur Pálsson.