1 Fundargerð síðasta fundar

Samþykkt með lítilsháttar orðalagsbreytingu.

2 Til kynningar

2.1 Prófanefnd stærðfræðiskorar

Borist hefur bréf frá formanni stærðfræðiskorar með ósk um að verkfræðideild skipi fulltrúa í prófanefnd skorarinnar. Málið verður afgreitt á næsta deildarráðsfundi.

2.2 Senat deildar

Fundur senats verkfræðideildar var haldinn í gær. Senatið óskar eftir því að halda málþing um Verkfræðiháskóla Íslands í samvinnu við verkfræðideild og Verkfræðingafélag Íslands. Þingið verður haldið 23. október nk. Óskað var eftir hugmyndum um frummælendur á þinginu.

2.3 Fjárhagsstaða verkfræðideildar

Dreift var yfirliti yfir stöðu deildarinnar miðað við ágústlok. Staðan var mikið rædd en reksturinn í heild stendur í járnum. Formaður u&b lét í ljósi óánægju með upplýsingar í enskri útgáfu kennsluskrár. Allmargir erlendir skiptistúdentar skráðu sig í námskeið skorarinnar sem ekki stóð til að kenna en vegna þess að fyrirvarar féllu út í ensku útgáfunni sá skorin sér ekki annað fært en að halda uppi kennslu í nokkrum þessara námskeiða. Af því leiðir að útgjöld skorarinnar verða hærri en áætlun gerði ráð fyrir.

3 Fjárhagsáætlun 2004

Yfirliti yfir kennslu ársins 2003 hafði verið dreift til skorarformanna og verður litið á það sem áætlun um kennslu 2004.

Formaður r&t spurði hvernig ætti að taka á kennurum sem neiti að gera grein fyrir kennslunni sem þeir áætli að sinna. Málið var rætt og verða útbúnar reglur um verklag við kennsluáætlanir.

4 Störf við u&b

U&b óskar eftir heimild deildarráðs til að ráða í tvær nýjar stöður við skorina. Önnur staðan yrði á sviði samgöngutækni og vegagerðar, auglýst sem starf 100% lektors. Hin yrði á sviði byggingarvirkja, auglýst sem 100% dósentsstarf.

Samþykkt var að beiðnin um nýju störfin yrði felld inn í fjárhagsáætlunina 2004 og málið skoðað betur þegar marktækar útgjaldatölur liggja fyrir.

5 Rannsóknamisseri

Formaður r&t minnti á að ætlast væri til að beiðnir um rannsóknamisseri væru staðfestar á deildarráðsfundum.

6 ADSL-tengingar

Fyrir nokkrum árum var samþykkt að kostnaður við ADSL-tengingar skiptist jafnt á milli skora og rannsóknarreikninga kennara. Deildarforseti lagði til að kostnaðurinn félli framvegis á verkfræðistofnun eina og var það samþykkt samhljóða.

7 Önnur mál

7.1 Verkfræðistofnun

Formaður r&t óskaði eftir svörum við ýmsum spurningum um verkfræðistofnun. Ákveðið var að verkfræðistofnun yrði aðalumræðuefni á næsta deildarráðsfundi.

7.2 Opin svæði í VR-II

Spurt var um húsgögn á opin svæði í VR-II. Deildarforseti velur húsgögn á þessi svæði úr sýnishornum sem honum verða send síðar í dag.