1. Fundargerð síðasta fundar

Samþykkt með lítils háttar breytingum.

2. Til kynningar

2.1 Vísindadagar

1.Ð11. nóvember nk. verða haldnir svokallaðir vísindadagar. Viðraðar voru hugmyndir um þátttöku verkfræðideildar, svo sem skipulagning og framkvæmd á hönnunarkeppni grunnskólanemenda með Legó-kubbum.

2.2 Ráðstefna um rannsóknarverkefni

24. október nk. verður haldin ráðstefna verkfræðideildar og Verkfræðingafélags Íslands þar sem fjallað verður um rannsóknarverkefni og tengsl þeirra við atvinnulífið.

2.3 Arkitektúrnámið

Háskólinn hefur fallið frá því að setja á stofn nám í arkítektúr í samstarfi við Listaháskólann þar eð ekki er fjárhagslegur grundvöllur fyrir náminu miðað við forsendur menntamálaráðuneytisins.

3. Fjárhagsstaðan

Dreift var upphaflegri kennsluáætlun deildarinnar árið 2002, bráðabirgðauppgjör kennslu 2002 og fjárhagsáætlun 2002. Samanburður á áætlaðri kennslu ársins og raunverulegri kennslu leiðir í ljós að vinnustundir eru um 5.000 fleiri en áætlað var. Deildarforseti óskaði eftir skýringum skora á frávikinu á næsta deildarráðsfundi.

4. Nefndir verkfræðideildar

Samþykkt var einróma eftirfarandi skipan fastanefnda deildarinnar skólaárið 2002-2003:

• Kennslumálanefnd: Júlíus Sólnes, Páll Valdimarsson, Jón Atli Benediktsson, Jóhann P. Malmquist.
• Kynningarnefnd: Trausti Valsson, Helgi Þór Ingason, Vilhjálmur Þór Kjartansson, Ebba Þóra Hvannberg.
• Tölvunefnd: Bjarni Bessason, Birna Pála Kristinsdóttir, Jón Tómas Guðmundsson, Hjálmtýr Hafsteinsson.
• Vísindanefnd: Bjarni Bessason, Guðmundur R. Jónsson, Jóhannes R. Sveinsson, Ebba Þóra Hvannberg.
• Þá var samþykkt einróma að Pálmi Jóhannesson sæti í alþjóðanefnd Háskólans af hálfu verkfræðideildar þetta skólaár.

Undir þessum lið urðu miklar umræður um framgang kennara, hvernig honum er háttað í deildinni. Dreift var reglum um framgang og skýringum við þær. Borin var upp tillaga um að stofnuð yrði framgangsnefnd verkfræðideildar sem skipuð yrði þeim þremur prófessorum sem hefðu flest rannsóknarstig. Tillagan var borin undir atkvæði og felld með 4 atkvæðum gegn 1.

5. Inntökuskilyrði verkfræðideildar og umsögn um samræmt stúdentspróf

Deildin gerir ekki athugasemdir við drög að samræmdu stúdentsprófi. Skorir munu skila inn drögum að inntökuskilyrðum deildar á næsta deildarráðsfundi.

6. Önnur mál

6.1 Skipan fulltrúa deildar í meistaraprófsnefndum

• Samþykkt samhljóða að skipa Stefán Thors fulltrúa deildar í nefnd um meistaraverkefni Hallgríms Más Hallgrímssonar.
• Samþykkt einróma að skipa Svein Ólafsson fulltrúa deildar í nefnd um meistaraverkefni Bjarna Þórs Hafsteinssonar.
• Samþykkt samhljóða að skipa Pál Valdimarsson fulltrúa deildar í nefnd um meistaraverkefni Ragnars Þórissonar.

6.2 Aukapróf í Stærðfræðigreiningu IVB

Stúdent í r&t hefur óskað eftir aukaprófi í Stærðfræðigreiningu IVB nú í október, til vara í desember. Til þessarar beiðni liggja sérstakar ástæður. Miklar umræður urðu um málið. Almennt virtust menn á því máli að heimila aukapróf í þessu tilviki. Deildarforseti tók að sér að leiða málið til lykta og gerir það strax á morgun.

6.3 Þverfaglegt nám

Háskólinn hefur það á stefnu sinni að stuðla að þverfaglegum námsleiðum, einkum á meistarastigi. Nefnt var að verkfræðideild gæti komið að námi í heilbrigðistækni, matvælaverkfræði, jarðverkfræði og líffverkfræði, að því tilskildu að Háskólinn ívilni slíku námi.