1. Fundargerð síðasta fundar

Samþykkt með breytingum.

2. Tilkynningar

2.1 KTH-HÍ samstarfsyfirlýsing um vetnisrannsóknir

H. Í. og KTH hafa undirritað samstarfsyfirlýsingu um vetnisrannsóknir. Lagt fram til kynningar. Yfirlýsingin er undirritðuð af rektor H. Í. Páli Skúlasyni og Anders Flodström forseta KTH.

2.2 Árbók HÍ 2001

Deildarforseti óskaði eftir upplýsingum og efni frá skorarformönnum.

2.3 Kynningarbæklingur verkfræðideildar

Auglýsingastofunni Yddu hefur verið falið að uppfæra kynningarbækling verkfræðideildar sem sendur hefur verið til framhaldsskólanema (stúdentsefnanna) undanfarin ár. Kannað hefur verið hjá nemendum verkfræðideildar hvort þeir hefðu kynnt sér bæklinginn þegar þeir fengu hann á sínum tíma. Bæklingurinn hafði fengið mjög góðar viðtökur.

2.4 "Vísindaferðir" til verkfræðideildar

Deildin mun taka upp kynnis- boðsferðir til deildarinnar og verður starfsmönnum hinna ýmsu fyrirtækja boðið. R&t skor verður með fyrstu kynninguna þann 26. febrúar næstkomandi.

3. Kennsluskrá 2002-2003

Sven Þ.Sigurðsson gerði grein fyrir áliti nefndar; á vegum deildar; ÒÁlitsgerð nefndar um nám í hugbúnaðarverkfræði í verkfræðideild-8.feb. 2002. Í nefndinni voru Sven Þ. Sigurðsson, Sigfús Björnsson, Páll Jensson og Jónas Elíasson. Niðurstaða nefndarinnar var sú að námið héti BS nám í hugbúnaðarverkfræði og að 60e MS-nám í hugbúnaðarverkfræði hefjist haustið 2004. Í álitsgerðinni koma fram tillögur um skipan náms í hugbúnaðarverkfræði, einstök námskeið ofl.

Málinu/álitsgerðinni var vísað til skora með ósk um skjóta afgreiðslu málsins.

4. Skipting fjárveitinga 2001

Lagt fram plaggið; ÒStaða verkfræðideildar 2001-2002/25.01.2002/Sven." Áætluð staða í lok ársins 2001 er jákvæð að fjárhæð 13,3 Mkr. Þá er ekki tekið með í reikninginn ógreiddar yfirvinnustundir í lok ársins 2001.

Áætluð útgjöld ársins 2002, skv. drögum að fjárhagsáætlun, eru 293 Mkr og tekjur 12 Mkr eða 281 Mkr nettóútgjöld en fjárveiting ársins 2002 er 268 Mkr.

5. Skipting fjárveitinga 2002

Í samhengi við 4. dagskrárlið. Samþykkt samhljóða að fresta afgreiðslu á skiptingu fjárveitingar áranna 2001 og 2002, sbr. tillögu SÞS, þangað til deildarforseti og varadeildarforseti hefðu rætt við einstaka skorarformenn og að lögð yrði fram tillaga í framhaldi af þeim viðræðum.

6. Önnur mál

6.1 Fyrirhuguð kaup 3. árs nema á ljósritunarvél

Deildarforseta falið að finna lausn á staðsetningu ljósritunarvélar í VR-II í samráði við formann hússtjórnar og nemendur.

6.2 Erindi frá Agli B. Hreinssyni um greiðslur fyrir kennslu

Egill B. Hreinsson hafði sent deildarráði erindi með fyrirspurn um það hvort greiðslur til fastra kennara skertust fyrir kennslu í námskeiðum ef færri en sjö nemendur mættu í próf. Deildarforseta falið að svara erindi Egils.

6.3 Áætlun 2002 og rauntölur 2001 um þreyttar einingar í einstökum námskeiðum deildar/skora (ekki þjónustunámskeið frá öðrum)

Páll Valdimarsson formaður v&I skorar lagði fram línurit yfir námskeið og fjölda þreyttra eininga í einstökum námskeiðum í hverri skor.

6.4 Aðstaða fyrir tæki

Jóhann P. Malmquist varaformaður tölvunarfræðiskorar vakti athygli á því að gæta þyrfti þess tölvur/tæki liggi ekki undir skemmdum í krítarryki í VR-II.

6.5 Starfsþjálfun nemenda

Skorir þurfa að afgreiða, hver skor fyrir sig, hvort þær leggi til að starfsþjálfun verði áfram skilyrði sem nemendur þurfa að uppfylla til að ljúka BS námi við deildina/skorina.

6.6 Fjarnám til MS prófs

Erindi hafði komið frá Verkfræðingafélaginu um það hvort deildin væri tilbúin til að kenna í fjarnámi til MS prófs, það er tæknifólki í félaginu og öðrum félagsmönnum.

6.7 Endurtekning kennslu í námskeiðum

Stærðfræðiskor er tilbúin, ef fjárhagslegar og faglegar (kennarar til að kenna) forsendur eru fyrir hendi, til að endurtaka kennslu í Stærðfræðigreiningu IIB á hausti 2002 (vornámskeið) og Línulega algebru og rúmfræði á vori 2003 (haustnámskeið) með sama hætti og Stærðfræðigreining IB hefur verið kennd með endurtekningu á vori (haustnámskeið) undanfarin tvö ár.

6.8 Húsnæði v&r kynnt fyrir rektor og fleirum

Deildarforseti skýrði frá því að hann hefði ásamt forseta raunvísindadeildar gengið með rektor, tveimur af framkvæmdastjórum Háskólans, þeim Þórði Kristinssyni og Ingjaldi Hannibalssyni um húsnæði v&r til að gera þeim grein við hvaða aðstæður deildirnar búa.

6.9 Arkitektanámið

Deildarforseti gerði grein fyrir stöðu mála varðandi arkitektanámið.