1. Fundargerð síðasta fundar

Samþykkt án athugasemda.

2. Til kynningar

2.1 Fjármál

Deildin á 30 miljónir í afgang eftir síðasta fjárhagsár. Skýringin á þessari góðu stöðu er m.a. að ekki hefur verið ráðið í laus störf en á því verður breyting á árinu.

2.2 Breytingar á starfsliði skrifstofu

Lilja Þorleifsdóttir hefur óskað eftir að láta af störfum nú á vormisseri. Deildarforseti kynnti hugmyndir um tvo nýja starfsmenn, verksvið þeirra og hvernig mætti koma þeim fyrir.

2.3 Kynningarmál

Rektor hefur lofað deildinni styrk til kynningarstarfs. Haft hefur verið samband við auglýsingastofu sem aðstoðar við að setja kynningarefnið fram.

2.4 Stefna verkfræðideildar - gæðakerfi

Vinna við stefnumótun hófst fyrir nokkrum misserum en er ekki lokið enn. Tryggvi Sigurbjarnarson hefur verið fenginn til að leiða starfið til lykta. Þá er aftur hafin vinna við að útbúa gæðakerfi deildarinnar. Forseti, varadeildarforseti, skrifstofustjóri og Helgi Þór Ingason hafa setið nokkra fundi og undirbúið starfið. Ólafur Jakobsson, sem mikið hefur starfað að gæðamálum og er í meistaranámi við deildina, hefur verið ráðinn til að halda utan um verkið.

3. Meistaranám í verkefnastjórnun í samvinnu við EHÍ

Helgi Þór Ingason dreifði samantekt um slíkt meistaranám og kynnti það. Um málið spunnust miklar umræður, m.a. útgjöld og tekjur, markhóp, áhrif kennslu í slíku námi á rannsóknaafköst o.fl. Kennsla gæti hafist í haust. Kannaður var hugur fundarmanna til þess að Helgi legði fram fullmótaðar tillögur um námið fyrir næsta deildarfund og voru langflestir fylgjandi því.

4. Háskólatorg

Ingjaldur Hannibalsson kom á fundinn undir þessum lið. Hann sýndi uppdrátt af fyrirhuguðum framkvæmdum vegna háskólatorgs og tengingum við næstu hús. Hann lýsti því hvaða starfsemi byggingarnar myndu hýsa, kostnaði við framkvæmdirnar og hvernig þær yrðu fjármagnaðar. Fundarmenn höfðu margs að spyrja.