355. deildarráðsfundur, ósamþykkt fundargerð Aftur Yfirlitssíða Fram

Dagskrá:

1. Umsóknir í tækjakaupasjóð

Sigurður S. Snorrason, formaður vísindanefndar, sat fundinn undir þessum lið. Tillögu vísindanefndar að forgangsröðun tækjakaupaumsókna þetta ár var dreift ásamt greinargerð og yfirliti yfir fjárveitingar til tækjakaup raunvísindadeildar síðastliðin 14 ár og skiptingu þeirra milli skora. Sigurður gerði grein fyrir störfum og niðurstöðum vísindanefndar, svaraði spurningum og vék síðan af fundi. Eftirfarandi forgangsröðun nefndarinnar var borin upp og samþykkt samhljóða

Tæki Sótt um kr. Skor/stofnun
1. Tæki til landmælinga 500 Raunvísindastofnun
2. Klukkur m. tengibúnaði f. tölvur, ljóshlið og sveiflusjár 956 Eðlisfræðiskor
3. Ýmis tæki: vogir, hitaskápur, aflgjafi, segulhrærur, lofttæmidæla 920 Efnafræðiskor
4. Ýmis tæki í rannsóknastofu í setfræði 1.030 jarð- og landfræðiskor
5. Smásjár og víðsjár vegna kennslu og rannsókna 1.100 líffræðiskor
6. Image Master 2D Platinum hugbúnaður 596 matvælafræðiskor
7. Smásjár og víðsjár vegna kennslu og rannsókna 1.017 líffræðiskor
8. Ýmis tæki: vogir, hitaskápur, aflgjafi, segulhrærur, lofttæmidæla II 1.390 efnafræðiskor
9. Smásjár og víðsjár vegna kennslu og rannsókna I 1.083 líffræðiskor
10. Smásjár vegna kennslu og rannsókna 3.000 jarð- og landfræðiskor

2. Fundargerð síðasta fundar

Samþykkt með þeirri breytingu að Snorri Þorgeir Ingvarsson tók sæti í tækjakaupanefnd í stað Ara Ólafssonar

3. Andmælendur við doktorsvörn Carolinu Pagli

Eðlisfræðiskor leggur til að andmælendur verði þeir David P. Hill, vísindamaður við U.S. Geological Survey og Tim Wright, vísindamaður við Oxfordháskóla. Deildarráð samþykkti einróma að tilnefna þessa tvo sem andmælendur.

4. Jafnréttisnefnd raunvísindadeildar

Sérhverri deild háskólans ber að semja jafnréttisáætlun. Óskað var eftir tilnefningu í jafnréttisnefnd deildar sem tæki að sér að semja jafnréttisáætlun.

5. Önnur mál

5.1 Úthlutun úr Háskólasjóði Eimskipafélags Íslands

Í gær var úthlutað úr Háskólasjóði EÍ styrkjum til samtals 27 verkefna. Verkefni á vegum raunvísindadeildar hlutu 11 þessara styrkja.

5.2 Umsóknir um framhaldsnám við deildina haust 2006

41 umsókn er um meistaranám við deildina og skiptast þær þannig eftir skorum:
Eðlisfræðiskor 4, efnafræðiskor 7, líffræðiskor 14, jarð- og landfræðiskor 9, matvæla- og næringarfræðiskor 7

Umsóknir um M.Paed.-nám eru þrjár, ein í stærðfræðiskor og tvær í jarð- og landfræðiskor.

16 umsóknir eru um doktorsnám við deildina og skiptast þannig eftir skorum:
Stærðfræðiskor 2, eðlisfræðiskor 3, efnafræðiskor 4, líffræðiskor 4, jarð- og landfræðiskor 2, matvæla- og næringarfræðiskor 1.

5.3 Nýtt starf á skrifstofu raunvísindadeildar

Deildarforseti kynnti drög að starfslýsingu verkefnisstjóra á skrifstofu raunvísindadeildar. Til stendur að auglýsa starfið eftir páska. Út frá þessu spunnust miklar umræður um kynningarmál deildarinnar og hvernig þeim yrði best fyrir komið.

5.4 Flutningur á haffræði og hafefnafræði milli skora

Deildarforseti skýrði frá því að borist hefði bréf frá Jóni Ólafssyni prófessor í haffræði þess efnis að hann óskaði eftir að flytja sig ásamt námskeiðum í haffræði og hafefnafræði úr efnafræðiskor til jarð- og landfræðiskorar.

Málinu var vísað til fjármálanefndar deildar til skoðunar með tilliti til þess hvaða breytingar þyrfti að gera á deililíkani ef af slíkum flutningi yrði.