1. Fjárhagsstaðan

Dreift var yfirliti yfir stöðu deildarinnar. Deildin stendur mjög illa, almennur rekstur, u&b og v&i skorir fara talsvert fram úr fjárveitingu, rafmagnsverkfræðiskor hefur hins vegar bætt stöðu sína á árinu. Samþykkt var að skrifstofustjóri dreifði töflum yfir áætlaða kennslu árið 1997 með útreikningi á launum þegar fleiri samningar fyrir vormisseri 1997 eru komnir inn, væntanlega eftir hálfan mánuð.

2. Nemendamál

2.1 Skipanir í M.S.-nefndir

Formaður b&u lagði til að Sigurður Erlingsson, Hreinn Haraldsson og Björn Harðarson yrðu skipaðir í M.S.-nefnd Ægis Jóhannssonar, sá fyrstnefndi formaður. Ennfremur að Sigurður Erlingsson, Hreinn Haraldsson og Valur Guðmundsson yrðu skipaðir í M.S.-nefnd Elísabetar Urbancic, sá fyrstnefndi formaður. Báðar tillögur voru samþykktar samhljóða.

2.2 Undanþága til þriðju próftöku í Stærðfræðigreiningu IIB

Formaður v&i skorar bar upp erindi Geirs Ómarssonar sem hefur fallið tvívegis í Stærðfræðigreiningu IIB. Geir fer fram á undanþágu til að mega fara í próf í þriðja skipti. Deildarráð samþykkti að veita undanþáguna en í bréfi til Geirs verði honum gerð skýr grein fyrir því að annað tækifæri fái hann ekki til að ljúka námskeiðinu.

2.3 Stærðfræðigreining IC/IB

Stúdent á fyrsta ári í efnafræði óskar að umskrá sig í v&i. Stúdentinn hefur lokið Stærðfræðigreiningu IC. Skorin benti honum á að taka próf í Stærðfræðigreiningu IB í ágúst nk. enda verður próftökuréttur í IC viðurkenndur gildur í IB. Málið var lagt fram til kynningar.

3. Auglýsing um prófessorsstörf

3.1 Starf Þorbjörns Karlssonar

3.2 Dómnefnd um starf prófessors í raforkufræðum

R&t skor leggur til að Egill B. Hreinsson verði formaður dómnefndar um umsækjendur um starf prófessors í raforkufræðum sem auglýst var sl. haust. Tillagan var samþykkt samhljóða eftir nokkrar umræður.

4. Skipulagsmál

4.1 Um skipan í nefndir deildar

4.2 Um skipulag kennslu

Deildarforseti varpaði fram spurningum um hvort skorir vildu ekki skilgreina ákveðnar námslínur með tilteknum námskeiðum og hvort kennarar ættu sjálfir að velja kennslugreinar eða skorir að úthluta kennslunni. Formönnum skora var falið að kynna málið í skorum.

5. Tölvutilboð

Deildin hefur fengið tilboð í tölvur frá Opnum kerfum. Deildarráð fól deildarforseta að ræða málið við háskólaritara.

6. Stefnumál deildar

Deildarforseti bað formenn að halda umræðunum áfram úti í skorum. Deildarráð mun bráðlega halda fund með kennsluskrárnefnd um þessi mál.

7. Önnur mál

7.1 Útreikningur á vinnu kennara

Rætt var hvernig vinna kennara er reiknuð út í námskeiðum, aðallega þar sem kennarar skipta kennslu á milli sín. Deildar- og varadeildarforsetum var falið að leysa málið.

7.2 Tafir á skipun dómnefndar í r&t

Jónas Elíasson spurði hvað hefði valdið langri töf á að skipa í dómnefnd um raforkufræðistarfið sem auglýst var sl. haust. Deildarforseti kvað málið hafa verið í athugun.